Државни празници во Викторија и денови во кои продавниците не смеат да работат во 2025 и 2026 година
| Празник | 2025г. | 2026г. |
|---|---|---|
Нова Година | Среда 1 јануари | Четврток 1 јануари |
| Ден на Австралија | Понеделник 27 јануари1 | Понеделник 26 јануари |
| Ден на трудот | Понеделник 10 март | Понеделник 9 март |
| Велипеток2 | Петок 18 април | Петок 3 април |
| Велика сабота | Сабота 19 април | Сабота 4 април |
| Велигден | Недела 20 април | Недела 5 април |
| Понеделник по Велигден | Понеделник 21 април | Понеделник 6 април |
| Ден на борците Аnzac2 | Петок 25 април | Сабота 25 април |
| Роденден на кралот | Понеделник 9 јуни | Понеделник 8 јуни |
| Петок пред големото финале на Австралиската Фудбалска Лига (АФЛ) | Зависи од распоредот на АФЛ3 | Зависи од распоредот на АФЛ3 |
| Мелбурншки куп4 | Вторник 4 ноември | Вторник 3 ноември |
| Божик2 | Четврток 25 декември | Петок 25 декември |
| Денот по Божик | Петок 26 декември |
Сабота 26 декември
Понеделник 28 декември5 |
1 Ако Денот на Австралија падне во недела, државниот празник е во понеделник
2 Велипеток, Ден на борците Аnzac и Божик се денови во кои продавниците не смеат да работат*
3 Петок пред големото финале на АФЛ обично паѓа во последниот петок во септември. Оваа интернет страница ќе се ажурира со точниот датум по објавувањето на распоредите на АФЛ за 2025 и 2026 година.
4Денот на Мелбурншки куп е државен празник низ цела Викторија, освен ако не е договорен друг локален празник од нивната општина во внатрешноста.
5 Бидејќи Денот по Божиќ паѓа во сабота, понеделникот што следи е дополнителен државен празник.
Забелешка: Сите датуми на државните празници се точни за време на објавувањето, но може да бидат предмет на промена.
*Што се денови во кои продавниците не смеат да работат?
Законот во Викторија наведува дека секоја година има два и пол дена во кои продавниците не работат:
- Велипеток
- Божик
- Времето меѓу 12.01 ч. претпладне и 1 ч. попладне на Денот на борците ANZAC.
Во тие денови само одредени продавници смеат да работат.
Дали може да работите во денови во кои продавниците не смеат да работат?
Некои видови на бизниси се изземени од сите ограничувања на работните денови. Тие може да бидат отворени секогаш кога сакаат во текот на целата година. Видовите на бизниси што се изземени се:
- аптеки
- бензински пумпи
- ресторани
- кафулиња
- продавници за готова храна
- даватели на услуги
- продавници за изнајмување (вклучувајќи и видеотеки).
- продавници исклучени од правилото
Продавници што се исклучени од правилото се бизнисите што ги исполнуваат следните услови:
- Во продавницaта се вработени 20 или помалку лица во било кое време во текот на деновите кога продавниците не смеат да работат.
- Бројот на лицата вработени во бизнисот и во неговите подружници не изнесува повеќе од 100 во било кое време во текот на 7 дена што непосредно му претходат на денот во кој продавниците не смеат да работат.
За повеќе информации, ве молиме погледнете Shop Trading Reform Act 1996 на legislation.vic.gov.au.
Дали треба да не работите на Денот на борецот ANZAC?
Следниве видови на бизниси не смеат да работат пред 1 часот попладне на Денот на борецот ANZAC (25 април) без разлика дали се ослободени од други ограничени денови за работа:
- кино (без разлика дали е во затворено или на отворено)
- друга забава, на пример, настан во живо или музички настан, концерт или игра
- аукции на недвижнини
За деловни објекти како што се фабрики или магацини или која било просторија, во која се спроведува процес на производство, овие бизниси мора да бидат затворени во текот на Денот на борецот ANZAC, во зависност од пропишаните критериуми во Законот за Денот на борецот ANZAC.
Работење доцна навечер и продажба/служење на алкохол
За бизнисите како што се ресторани, кафулиња, барови, клубови и продавници за алкохол може да важат дополнителни ограничувања во однос на продажбата/служењето на алкохол во денови во кои продавниците не смеат да работат.
Проверете со Victorian Commission forGambling and Liquor Regulation (Викториската комисија за регулирање на игрите на среќа и продажбата на алкохол) за повеќе информации.